Danimarkada Çin avtobuslarında təhlükəsizlik riski

Bölmə: Dünya › ,
Tarix: 17:20 05.11.2025

 

Danimarka hakimiyyəti, Çində istehsal olunan yüzlərlə elektrik avtobusunda uzaqdan idarəetmə boşluğunun aşkar edilməsindən sonra təhlükəsizlik tədbirlərini gücləndirməyə çalışır. Norveçdə aparılan araşdırmada məlum olub ki, Yutong şirkəti avtobusların proqram təminatına və diaqnostika sistemlərinə uzaqdan girişə malikdir və bu da nəqliyyat zamanı avtobusların deaktiv edilməsinə səbəb ola bilər.

Norveçin ictimai nəqliyyat qurumu Ruter iki avtobusu təcrid olunmuş şəraitdə sınaqdan keçirib və risklər müəyyən edilib. Onlar sim kartların çıxarılması ilə uzaqdan deaktivləşdirmənin qarşısının alınacağını bildiriblər, lakin bu halda avtobus digər idarəetmə sistemlərindən də ayrılmış olur.

Danimarkanın ən böyük nəqliyyat şirkəti Movia 469 Çin mənşəli elektrik avtobusundan istifadə edir. Şirkət qeyd edir ki, məsələ yalnız Çin avtobusları ilə bağlı deyil – internet bağlantısına malik bütün elektron nəqliyyat vasitələri potensial risk daşıyır.

Yutong isə açıqlamasında məlumatların AB qanunlarına uyğun şəkildə Almaniyada AWS məlumat mərkəzində saxlandığını və yalnız texniki xidmət üçün istifadə edildiyini bildirir.

Danimarkada Çin şirkətlərinə asılılıqla bağlı narahatlıqlar artdığı üçün məsələ milli təhlükəsizlik kontekstində müzakirə olunur.

The Guardian
Eslanda Kulieva