Qəhrəmanlar can verir yurdu yaşatmaq üçün-Sənin üçün canından keçən Şəhidləri unutma

Bölmə: Maraqlı › ,
Tarix: 21:36 10.10.2023

Sənin üçün canından keçən Şəhidləri unutma!

Bugün bu mənzərə ilə qarşılaşdım. Həmin an hisslərim bir-birinə qarışdı sanki.Bədənim istəmsizcə buz kəsdi. Gözümün önündən baş verən hadisələr film kadrları kimi keçdi.Bu mənzərə həm qürurverici idi, həm də çox təsirli. Axı Şəhidlər bizim qanayan və sağalmayan yaramızdı.. Şəhidlik adi ölüm deyil, ən uca əlçatmaz zirvədi.
Bu zirvəyə qalxmaq hər kəsə nəsib olmur. Şəhidlik zirvəsinə ucalan insanlar əbədilik qazanırlar.
Vətəni, milləti öz canından üstün tutanları tarix hər zaman yaddaşlarda, qəlblərdə yaşadacaq. Onlara olan sevgimiz heç zaman bitməyəcək.
Şəhidlər bizim silinməz tariximiz, and yerimiz, qürurumuzdu.
Vətən uğrunda canından, qanından keçən bütün vətən övladlarının ruhu şad olsun!Şad olsun ki, onların qanı ilə, canı ilə bugün Azərbaycan xalqı ayaq üstədir.
Qəhrəmanlar can verir yurdu yaşatmaq üçün! Azərbaycan xalqı sizlərlə fəxr edir, qürur duyur. Bütün Şəhidlərimizin əziz xatirələri və ruhları qarşısında baş əyirik!

İnsan insan olur öz hünəriylə,
Millət millət olur xeyri, şəriylə.
Torpağın bağrına cəsədləriylə,
Azadlıq tumunu əkdi şəhidlər.

Nəzrin Cəbiyeva