Qubada Regional Travmatoloji Mərkəz yaradılıb
Bölmə: Sosial ›
,
Tarix: 19:49 25.11.2023
Qubada Regional Travmatoloji Mərkəz yaradılıb.
TƏBİB-dən İnformator.az-a verilən xəbərə görə, Quba Rayon Mərkəzi Xəstəxanasının nəzdində Regional Travmatoloji Mərkəz yaradılıb.
Mərkəz tərəfindən Quba, Xaçmaz, Qusar, Şabran və Siyəzən rayonlarının əhalisinə ixtisaslaşdırılmış tibbi xidmət, həmçinin müvafiq profil üzrə mürəkkəb klinik hallar zamanı regionun tibb müəssisələrinə konsultativ-diaqnostik yardım göstərilir. Mərkəzdə endoprotez əməliyyatları da həyata keçiriləcək.
Onu da qeyd edək ki, regionlarda əhalinin tibbi xidmətlərə əlçatanlığının təmin edilməsi, göstərilən ixtisaslaşdırılmış tibbi xidmətlərin təkmilləşdirilməsi və keyfiyyətinin yaxşılaşdırılması istiqamətində işlər davam etdirilir.
Aynur Babayeva
