BDU-da ‘’Ölülər’’ əsəri səhnələşdiriləcək

Bölmə: Sosial › ,
Tarix: 22:05 07.12.2023

Cəlil Məmmədquluzadənin ölümsüz əsəri ‘’Ölülər’’ Bakı Dövlət Universitinin teatrında səhnələşdiriləcək.

 

Bu barədə tamaşanın rejissoru Vahid Orucoğlu İnformator.az-a açıqlama verib. Rejissor bildirib ki, Bakı Dövlət Universiteti Yaradıcılıq Mərkəzi bu tamaşanı Ümumilli lider Heydər Əliyevin 100 illiyinə həsr edir:

 

"Ulu öndər 13 yaşından bu əsərin təsiri altında olduğunu və bu əsərin beynəlxalq arenada da tanınmalı olduğunu vurğulayıb. Əsər ulu öndərimizin də qeyd etdiyi kimi dünya arenasına çıxa biləcək bir əsərdir. Həmçinin, əsər günümüzlə də ayaqlaşır. Yaxın günlərdə tamaşanın premyerası olacaq. İnanırıq ki, çox uğurlu işlərdən birinə imza atacağıq’’.

Rejissor əsərin tarixi əhəmiyyətindən də danışıb:

 

‘"Cəlil Məmmədquluzadə bu əsəri real hadisələr üzərində yazıb. Səhnədə gördüyümüz obrazların demək olar ki, hər biri müəyyən əyalətlərdə yaşayıblar. Əsərin yazılmasından 1 əsrdən çox vaxt keçsə də, hələ də ən sevilən əsərlərdən biridir. Düşünürəm ki, gələcəkdə də ‘’Ölülər’’ əsəri tamaşaçıların ən çox bəyəndiyi əsərlərdən biri kimi qalacaq’’.

Qeyd edək ki, tamaşa dekabr ayı ərzində səhnədə olacaq.

Ayaz Zeynalzadə