Ümummilli Lider Heydər Əliyevin anım günüdür

Bölmə: Sosial › ,
Tarix: 19:05 12.12.2023

Bu gün, 12 dekabr Azərbaycanın Ümummilli Lideri Heydər Əlirza oğlu Əliyevin anım günüdür.
Anım günü ilə əlaqədar Bakı Dövlət Universitetindən də müəllim və tələbə heyəti Fəxri xiyabanı ziyarət ediblər. 

Jurnalist, siyasi şərhçi, yazıçı eyni zamanda Bakı Dövlət Universitetinin Jurnalistika fakültəsinin dekanı Vüqar Zifəroğlu informator.az saytına verdiyi açıqlamada bildirib ki, müasir Azərbaycanın qurucusu və memarı deyildik də Heydər Əliyev yada düşür.  

 

"Onun Azərbaycan Respublikası üçün gördüyü işlər misilsizdir".

Vüqar Zifəroğlu bildirib ki, bu gün müasir, güclü Azərbaycan haqqında danışırıqsa, bu birmənalı olaraq Heydər Əliyevlə bağlıdır.

 

"Biz bu gün onu böyük iftixar və qürur hissi ilə anırıq. Hər kəs bura  Heydər Əliyevə olan ehtirahımını bir daha bildirmək üçün  gəlib".

 

Bakı Dövlət Universitetinin Jurnalistika fakültəsinin Sosial məsələlər və tələbələrlə iş üzrə dekan müavini Samir Xalidoğlu informator.az-a verdiyi müsahibədə bildirib ki, bu gün Azərbaycan xalqının ictimai siyasi fikir və milli dövlətçilik tarixində, özünəməxsus yeri və rolu olan Ümummilli Lider Heydər Əliyevin anım günüdür.

 

 
"Əgər Heydər Əliyev 1990-cı illərin əvvəllərində xalqın təkidi ilə siyasi hakimiyyətə qayıtmasaydı, bəlkə də biz bu gün dövlətçilik haqqında danışa bilməzdik.
Heydər Əliyevin siyasi arenaya qayıdışı, bizi fəlakətli günlərdən, bəlalardan xilas etdi. Allah ümumilli liderimizə rəhmət eləsin! Onun əziz xatirəsi Azərbaycan xalqı var olduqca daim ürəklərdə yaşayacaqdır"!

SEVİNC YARMƏMMƏDOVA