Baş planın hazırlanması çox uğurlu addımdır -Aslan Əsədov

Bölmə: Sosial › ,
Tarix: 21:43 15.12.2023

Memarlar İttifaqının İdarə Heyətinin sədri Elbay Qasımzadə isə bildirib ki, Bakının baş planı artıq hazırdır və təsdiq üçün Nazirlər Kabinetinə təqdim olunub. Baş planda paytaxtın bəzi yollarının genişləndirilməsi və tramvay xəttinin qurulması nəzərdə tutulub.

 

"Bakı şəhərinin baş planının hazırlanması çox uğurlu addımdır. Çünki bütün görülən işlər baş plandan kənarda və tətbiq olunmamış plan üzrə getdiyi üçün baş planın vacibliyi daha önəmlidir. Yolun genişləndirilməsinə gəldikdə isə bu təqdirəlayiq və mütləqdir". Bu sözləri informator.az-a açıqlamasında nəqliyyat məsələləri üzrə ekspert Aslan Əsədov bildirib.

 

Ekspert qeyd edib ki, tramvay və tralebus xətlərinə gəldikdə isə bu xətlər Bakı şəhərində əvvəllər də var idi. 

 

"Burada hər hansı bir küçənin genişləndirilməsi sırf tramvay və tralebuslar üçün sonradan yenidənqurulma işləri görülməyib. Onun üçün də əvvəl küçələr necə idisə, yenə də olduğu kimi qalır. Orda artıq nəyisə əlavə etməyə ehtiyac da yoxdur".

 

Aslan Əsədov sonda vurğulayıb ki, baş planın qəbul edilməsi daha vacib elementlərdən biridir. 

 

"Çünki konstitusiya dövlətin necə ana qanunudursa, baş plan da şəhərsalma və şəhər üçün qanuni bir prosesdir".

 

Aynur Babayeva