"Heydər Əliyev adına təqaüd"çü -Hüseyn Quliyev

Bölmə: Sosial › ,
Tarix: 11:50 19.12.2023

"İnformator.az" saytının növbəti müsahibi "Heydər Əliyev adına təqaüd" mükafatçısı, Bakı Dövlət Universiteti Tarix fakültəsinin tələbəsi Hüseyn Quliyevdir.

 

Hüseyn Quliyev kimdir?

Hüseyn Quliyev 06.06.2004-cü ildə Bakı şəhəri Suraxanı rayoununda anadan olmuşam. Orta təhsilimi 317 nömrəli məktəbdə alıb, 553 balla Bakı Dövlət Universitetinin Tarix fakültəsinə daxil oldum. Hal-hazırda 3-cü kursda ingilis dilində təhsilimi davam etdirirəm və qrup nümayəndəsiyəm.

Məktəb illərində də olimpiadalar, müsabiqələr və yarışlarda iştirak edirdim. 

Universitet dövründə isə bir çox könüllülük proqramlarından təkidli istəklər gəlsə də, qəbul etmədim, çünki bu gələcəyə hesablanan addım idi.

Dövlət rəhbərimiz Cənab İlham Əliyevin göstərişi ilə bu fərman verilib. Məni madiyyatdan çox gənclərin dövlət rəhbərimizin diqqət mərkəzində olmağı sevindirir. 

Məktəbdə ən sevimli müəllimim Mehriban Həbibova məni Tarix elminə çox həvəsləndirib.

Mən fəxr edirəm ki, Ümumilli liderimizin təhsil aldığı fakültədə oxuyuram. Bu gün isə bu fəxr ikiqatdır. Heydər Əliyevin məzunu olduğu fakültədə "Heydər Əliyev" təqaüdlü bir tələbə kimi təhsil alıram.

Qazandığınız mükafatı nəyə xərcləməyi düşünürsünüz?

Qazandığım mükafatın bir hissəsini "Yaşat" Fonduna ianə edəcəm. 

Təqaüd qazanmaq xəbərini necə aldınız?

Tyutorumuz bu xəbəri mənə çatdırdı və çox sevindim. Qeyd etdiyim kimi, təqaüdün mənəvi tərəfi məni daha çox təsirləndirdi.

 Gələcək planlarınız nələrdir? 

Gələcəkdə özümü  Xarici İşlər Nazirliyində görürəm. Dil və dünyəvi biliklərimin olması xalqımızı xaricdə layiqincə təmsil etməyimə işarət edir.

 

Asiman Hafizqızı