"Heydər Əliyev adına təqaüd"çü -Şəhanə Babazadə

Bölmə: Sosial › ,
Tarix: 22:00 20.12.2023

"İnformator.az" saytının növbəti müsahibi "Heydər Əliyev adına təqaüd" mükafatçısı, Bakı Dövlət Universiteti Coğrafiya müəllimliyi ixtisasının tələbəsi Şəhanə Babazadədir.

Şəhanə Babazadə kimdir?

Mən, Babazadə Şəhanə İsmayıl qızı 2003-cü ildə Bakı şəhərində anadan olmuşam. 2009-2020-ci illərdə A.S.Makarenko adına Humanitar Fənlər Təmayüllü Gimnaziyada təhsil alıb və gimnaziyanı fərqlənmə attestatı ilə bitirdim. 2020-ci ildə ali məktəblərə keçirilən qəbul imtahanlarında iştirak edərək 599.9 bal toplayıb həm coğrafiya, həm də müəllimliyə olan sevgimə görə Bakı Dövlət Universitetinin Coğrafiya müəllimliyi ixtisasını seçdim. 2021-ci ildən SABAH qruplarının tələbəsiyəm. Akademik göstəricilərimə görə əlaçı, SABAH təqaüdü və yüksək balla müəllimlik ixtisası seçdiyimə görə universitetə başladığım gündən "Gələcəyin müəllimi" təqaüdünü də alıram. 

Məktəb illərində müxtəlif fənn müsabiqəsi, olimpiada və intellektual yarışlarda gimnaziya təmsilçisi oldum. 11-ci sinifdə "Əlaçı" televiziya yarışmasının final mərhələsinə yüksəldim. Universitet illərində də müxtəlif intellektual yarışlarda fəal iştirakım olub. Həmçinin 2 elmi məqalənin müəllifiyəm. Daim müxtəlif təlimlərdə, konfranslarda iştirak edirəm. "Bir Könüllü" Tələbə Təşkilatının üzvüyəm.

Qazandığınız mükafatı nəyə xərcləməyi düşünürsünüz?

Təhsilimə və digər şəxsi məsələlərə.

Təqaüd qazanmaq xəbərini necə aldınız? 

Təqaüdü qazanmağımla bağlı xəbəri mənə BDU SABAH mərkəzinin rəhbəri İradə xanım Süleymanova şəxsən çatdırdı. Həmin an çox təəccübləndim və sevindim.

Gələcək planlarınız nələrdir?

Gələcəklə bağlı planlarım çoxdur, ən əsası, Vətənə xeyirli övladlar yetişdirən müəllim olmaq mühüm qayəmdir.

 

Asiman Hafizqızı