Bakı Dövlət Universitetində ‘’Yeni il’’ konserti

Bölmə: Sosial › ,
Tarix: 19:12 28.12.2023

Bu gün Bakı Dövlət Universitetinin (BDU) könüllüləri musiqili konsert proqramı keçirib. Konsert həm tələbələr həm də müəllimlər üçün maraqlı və yaddaqalan olub. 

 

BDU-nun Beynəlxalq münasibətlər və İqtisadiyyat fakültəsinin 3-cü kurs tələbəsi, eyni zamanda BDU Könüllülərinin sədr müavini Asif Əliyev informator.az-a verdiyi açıqlamada bildirib ki, qarşıdan gələn Dünya Azərbaycanlılarının Həmrəylik günü və Yeni il münasibətilə BDU Könüllülərinin nəzdində fəailiyyət göstərən ‘’Lin Orph’’ musiqi klubunun konserti keçirildi.

 

‘’Universitetimizin istedadlı və bacarıqlı tələbələrinin bir araya toplaşaraq yaratdığı bu klub sayəsində, tələbələrimiz fərqli və yaddaqalan şəkildə çıxış ediblər".

 

Asif Əliyev qeyd edib ki, bu konsertə müəllimlər və BDU-nun əməkdaşlarının da iştirakı konserti daha da fərqləndirdi. 

 

‘’Bütün Azərbaycanlıları Həmrəylik günü və Yeni il münasibətilə təbrik edirəm"!

 

BDU-nun Mexanika və riyaziyyat fakültəsinin 4-cü kurs tələbəsi Toğrul Ələkbərov informator.az-a konsertlə bağlı təəsüratlarını bölüşüb. Bildirib ki, Yeni ilə həsr olunan ilin son konserti BDU Könüllüləri keçirdi. 

 

‘’Hər zaman ki kimi çox möhtəşəm və yaddaqalan oldu. Abu-hava çox yüksək səviyyədə idi. Müəllimlərin, tələbələrin və könüllülərin əhval-ruhiyyəsi əla idi".

 

Toğrul Ələkbərov vurğulayıb ki, Şərqşünaslıq fakültəsinin klubu olan ‘’Lin Orph’’ demək olar ki, BDU-da keçirilən bütün musiqili konsertlərin təşkilatçısıdır. 

 

BDU-nun Biologiya fakültəsinin 2-ci kurs tələbəsi Xədicə Mehdiyeva informator.az-a verdiyi açıqlamasında bildirib ki, BDU Könüllərinin keçirdiyi bu konsert hər zaman ki kimi yüksək səviyyədə baş tutdu.

 

 

‘’BDU Könülləri həmişə ki kimi müsbət təəsüratlar bağışladı mənə. Himn ilə başlanılan bu konsert çox maraqlı və möhtəşəm oldu".

 

Son olaraq BDU-nun Jurnalistika fakültəsində təhsil alan Zəhra Həsənova konsert haqqında təəsüratlarını informator.az-la bölüşüb. Zəhra Həsənova bildirib ki, bayram və imtahan öncəsi keçirilən bu proqram bizim üçün çox yaxşı oldu.

 

‘’Konsert çox maraqlı və əyləncəli oldu. İmtahan öncəsi belə bir konsertin olmasi bizə motivasiya verdi".

 

Sevinc Yarməmmədova