2024-cü ildə WhatsApp: bilməli olduğunuz yeni funksiyalar gəlir

Bölmə: Maraqlı › ,
Tarix: 23:08 10.01.2024

WhatsApp haqqında hər şeyi, o cümlədən beta versiyada olan yeni funksiyaları izləyən WABetaInfo-nun yeniləmələrinə görə, 2024-cü ildə WhatsApp-a ən azı daha 3 yeni funksiya gələcək. Bəs, bu yeni xüsusiyyətlər nə olacaq? WhatsApp-a gələn yeni funksiyalar haqqında təfərrüatlar...

 

Meta 2023-cü ildə WhatsApp üçün bir sıra funksiyalar təqdim edib və indi 2024-cü ilə yeni girməsinə baxmayaraq, istifadəçilərinə bir çox yeni funksiyalar təqdim etməyə hazırlaşır. Beta versiyasında olan, lakin tezliklə istifadəçilər üçün əlçatan olacaq bəzi yeni funksiyalar bunlardır...

 

STATUSUZU İNSTAGRAMDA HEKAYƏ KİMİ PAYLAŞIN

 

WABetaInfo tərəfindən təqdim edilən son məlumata görə, Meta tezliklə Instagram hekayənizdə WhatsApp statusunuzu bir kliklə paylaşmağa imkan verəcək. Bu xüsusiyyət o deməkdir ki, siz məzmunu çarpaz paylaşa bilərsiniz.

 

Bu təklif, yeni status dərc edildikdən dərhal sonra istifadəçilərə təqdim olunan lazımlı qısa yol vasitəsilə görünəcək. Siz hər zaman bu funksiyanı aktivləşdirə və ya söndürə bilərsiniz və funksiyanın hələ beta versiyada olduğu və tezliklə istifadəyə veriləcəyi bildirilir.

 

VİDEO ZƏNG ƏSASINDA MUSİQİ PAYLAŞMASI

 

Gələcəkdə WhatsApp-ın ekran paylaşımı seçimi ilə videozəng zamanı musiqi səsini paylaşmaq mümkün olacaq. Lazım olduqda yalnız ekranınızı deyil, həm də səsinizi paylaşa bilərsiniz. Bu funksiya daha yaxşı media əməkdaşlığına imkan verəcək.

 

Məsələn, WhatsApp vasitəsilə sevdiklərinizlə film izləyə və ya musiqi dinləyə bilərsiniz. "Video zəng zamanı musiqi səsini paylaşmaq imkanı inkişaf mərhələsindədir və tətbiqin gələcək yeniləməsində əlçatan olacaq", - vebsaytda qeyd olunub.

 

WHATSAPP İSTİFADƏÇİ ADLARI TEZLİKLƏ

 

Hazırda WhatsApp-da başqa insanlarla əlaqə yaratmaq istəyirsinizsə, nömrənizi paylaşmalısınız. Lakin bu, istifadəçi adlarının əlavə edilməsi ilə dəyişə bilər. WABetaInfo-ya görə, “istifadəçilər tezliklə öz profillərini fərdiləşdirə və istifadəçi adlarından istifadə edərək başqaları ilə asanlıqla əlaqə saxlaya biləcəklər. Bu funksiya sizin dostlarınızı və kontaktlarınızı tapmağı və onlarla əlaqə qurmağı asanlaşdıracaq.

 

Bu 3 xüsusiyyətə əlavə olaraq bəzi yeni xüsusiyyətlər də gələcək. IOS Əməliyyat sistemində mövcud olacaq funksiya ilə WhatsApp Business haqqında bəzi məlumatlar...

 

WHATSAPP BİZNESİ İSTİFADƏ ÜÇÜN AÇILACAQ

 

WhatsApp Beta 2.24.1.21-də bəzi istifadəçilər proqramın parametrlər bölməsində yeni parametr görəcəklər. Bu yeni funksiya WhatsApp bizneslərinə Meta Verified-ə abunə olaraq təsdiqlənmiş nişan vasitəsilə müştəriləri ilə inam yaratmağa imkan verir. WABetaInfo xəbər verir ki, bu abunə xüsusi biznes əlaqəsi və 10-a qədər cihazı birləşdirə bilən əvvəlki abunə olan WhatsApp Premium-u əvəz edəcək. Həmçinin bildirilir ki, bu abunə isteğe bağlı olacaq və yalnız Bizneslər üçün əlçatan olacaq.

 

STIKER YARADILMASI İOS-A GƏLİR

 

Bu funksiya sayəsində stikerlər üçüncü tərəf proqramlarını yükləməyə ehtiyac olmadan birbaşa WhatsApp-da yaradıla bilər. “Stikeri redaktə et” hərəkətini seçməklə mövcud stikerləri redaktə etmək də mümkün olacaq. Bununla belə, istifadəçilər paylaşma hərəkətini seçməklə paylaşılan şəkillərdən stiker hazırlaya biləcəklər.

 

Aynur Babayeva