“Windows 12” konsepsiyası diqqətləri üzərinə cəlb edib

Bölmə: Maraqlı › ,
Tarix: 17:16 18.01.2024

“Microsoft” şirkəti “Windows 11” əməliyyat sistemində bir sıra problemlər olduğu üçün köklü dəyişiklərə başlayıb.

 

Yeni versiyada bu nasazlıqların aradan götürülməsi planlaşdırılıb.İstifadəçilər arasında bu mövzu müzakirə obyekti olarkən sızdırılan “Windows 12” konsepsiyası yeni müzakirə mərkəzinə çevrilib.Əvvəllər də bu tərz dizaynlarla yeni “Windows” versiyalarının necə görünəcəyini internetə sızdıran texniki dizayner bu dəfə də “Windows 12” konsepsiyasını “YouTube” platformasına sızdırıb. “Windows 12 – The Revolutionary” adı ilə paylaşılan videoda yeni, minimal və estetik görünüşlü menyu bizləri qarşılayır. Konsepsiyada önə çəkilən əsas özəllik sadələşdirilmiş “Start Menyusu”dur. “Tapşırıq Çubuğu” isə fərdiləşdirmə özəlliyi ilə birgə ekranın üst hissəsinə daşınıb. “File Explorer” və Parametrlər “Windows 11”ə bənzər yuvarlaq künclərlə gəlir. Başlanğıc menyusu fərdiləşdirilə bilən vidjetləri, həmçinin sabitlənmiş proqramları və qovluqları daxil etmək üçün daha da genişləndirilib.

Digər tərəfdən, süni intellekt dəstəyi sayəsində divar kağızlarını dinamik şəkildə dəyişmək və fərdiləşdirmək mümkündür. “Copilot” ilə “Windows 11”ə süni intellekt dəstəyi gətirən

 

“Microsoft” yeni əməliyyat sisteminə bəzi oxşar alətləri də daxil edə bilər.

Əli Məmmədli