“IOS” 18 ilə süni intellekt başdan yaradılacaq

Bölmə: Dünya › , Maraqlı › ,
Tarix: 19:48 29.01.2024

“Apple” şirkəti hər payız “İOS” əməliyyat sisteminə ciddi dəyişiklər gətirir.

 

“İOS 17” ilə istifadəçilərə bəzi vacib məxfilik yenilikləri təqdim edilsə də, “ iPhone” istifadəçilərinin gözlədiyi süni intellekt sıçrayışı hələ də həyata keçirilə bilməyib. “Apple” analitiki Mark Gurmanın sözlərinə görə, “ İOS 18” əməliyyat sistemi tarixində ən böyük yeniliklərdən birini öz bərabərində gətirəcək. Gurman “Apple”ın hərtərəfli yeniləmə, xüsusən də “Siri” üçün süni intellekt yenilikləri üzərində işlədiyini bildirib. Gurman son açıqlamasında “Apple”ın yeni əməliyyat sisteminə nə qədər əhəmiyyət verdiyini qeyd edib. O bildirib ki, “iOS 18” şirkət daxilində əsas yeniləmə hesab olunur. Yeni funksiyalar haqqında təfərrüatlar hələ də bəlli olmasa da, “ iOS”proqramlarında əhəmiyyətli dəyişikliklər gözlənilir.  Bunlardan başlıcası “Apple”ın Mesajlar tətbiqinə RCS dəstəyinin əlavə edilməsi olacaq. “Google” tərəfindən qəbul edilən RCS “Android” cihazlarında SMS-i əvəz etməyi hədəfləyir. O, bugünkü mesajlaşmaya uyğun olaraq oxunmuş qəbzlər, media mübadiləsi və şifrələmə kimi funksiyaları təklif edir.

 

“ iOS 18”in ilk beta versiyası iyunda WWDC (Worldwide Developers Conference) 2024 çərçivəsində təqdim olunacaq. Digər istifadəçilər sentyabrda yeni “iPhone”larla yeniləməni alacaqlar.

 

Əli Məmmədli