Tarixi kosmik missiya tamamlanıb

Bölmə: Dünya › , Maraqlı › ,
Tarix: 21:45 02.02.2024

Alper Gezeravcının da olduğu Ax-3 komandası ilə vida mərasimi keçirilib. Beynəlxalq Kosmik Stansiyada keçirilən mərasimdə çıxış edən Gezeravcının sözlərinə görə, bu, bir hekayənin başlanğıc nöqtəsi idi.

 

"Mən ölkəmə və Türkiyə Respublikasına insan kosmos missiyasına addım atmaq üçün cəsur və qətiyyətli qərarlarına görə çox minnətdaram”.

 

Axiom Space-in canlı yayımında, aralarında ilk Türk astronavt Gezeravcının da olduğu Ax-3 komandası üçün hazırlanan vida mərasimi yayımlanıb.

 

“Qürurverici tariximizin davamı olaraq addım atdığımız yeni Türk Yüzyılında Türkiyənin ilk insanlı kosmos missiyasını yerinə yetirməkdən çox qürur və xoşbəxtəm”,- deyə Gezeravcı vida mərasimindəki çıxışında qeyd edib.

 

Həyata keçirdikləri bu işin gələcəyin qarantiyası olan gənclər üçün ruhlandırıcı bir başlanğıc olmasını arzulayan Gezeravcı, "Bu, bir hədəf deyil, bir hekayənin başlanğıc nöqtəsi idi. Bundan sonrakı yolumuz bütün millətimiz üçün xeyirli olsun" deyib.

 

Gezeravcı və komandasının fevralın 2-də Türkiyə vaxtı ilə saat 14.00-da ISS-dən ayrılacağı gözlənilir. Yerə geri dönüş 12 saat çəkəcək.

 

Planlaşdırılan enişin ABŞ-ın Florida ştatının şərqində Atlantik okeanında və qərbdə Meksika körfəzində yerləşən 7 potensial eniş nöqtəsindən birində həyata keçiriləcəyi gözlənilir.

 

Lalə Qafarova

Mənbə : TRT XƏBƏR (TRT HABER)