İngilis dilində danışıq bacarıqlarını(speaking) necə təkmilləşdirmək olar?
Bölmə: Maraqlı ›
,
Tarix: 12:59 05.02.2024
İngilis dilində danışma bacarıqlarının əhəmiyyəti
Bildiyimiz kimi, ingiliscə danışmaq, yəni “danışma” bacarıqlarımızı təkmilləşdirmək, xüsusən də, bu gün çox vacib hala gəlib. Bunun səbəbi odur ki, biz gündən-günə qloballaşırıq və xaricə genişlənə bilirik. Bunlara nail olmaq üçün ingilis dilini bilmək vacibdir. Çünki öyrəndiyimiz xarici dildə danışmaq bizi qabaqcıl səviyyəyə aparır və daha çox insana, resurslara çatmağa imkan verir. Eyni zamanda, özümüzü başqalarına daha yaxşı ifadə edə bilirik. Yaxşı, ingiliscə danışmaq üçün hansı üsullara əməl etməliyik?
İngilis dilində danışıq bacarıqlarını təkmilləşdirməyin yolları
Təbii ki, ingiliscə danışıq qabiliyyətimizi artırmaq mümkündür. Addımlar:
Dinləmə(listening) məşqi etmək
İngilis dilində yaxşı danışmağın əsası, əslində, effektiv dinləmə bacarıqlarıdır. Yaxşı dinləyici olmaq, qarşıdakı insanı düzgün anladığınızı və düzgün reaksiya verdiyinizi göstərmək üçün çox vacib bir məsələdir. Bunlara xarici videolara baxmaq, mahnı dinləmək və s. aid edilə bilər.
Kitab oxumaq
İngilis dilində danışıq bacarıqlarını inkişaf etdirən başqa bir fəaliyyət kitab oxumaqdır. Çünki kitab oxuyarkən müxtəlif sözlərlə, tez-tez istifadə olunan cümlə strukturları ilə qarşılaşırıq. Bu fəaliyyət sizə ingilis dilində yazı və danışıq, həmçinin lüğətinizi təkmilləşdirməkdə kömək edəcək.
Lüğətin inkişafı
Gündəlik həyatda tez-tez istifadə olunan sözləri öyrənərək ingiliscə danışıq bacarıqlarınızı inkişaf etdirə bilərsiniz. Söz oyunları oynamaq ingilis dili lüğətinizi daha yüksək səviyyəyə qaldıracaq.
Danışıq təcrübəsi
Ən vacib addım, əlbəttə ki, danışmaqdır. İngilis dilində danışmadan danışıq bacarıqlarınızı inkişaf etdirə bilməzsiniz. Buna görə də, bu vəziyyətdən qorxsanız da, rahatlıq zonanızdan çıxmağa və ingiliscə danışmağa çalışın. Dostunuzla, özünüzlə və ya virtual dostunuzla danışın. Məsələn, gündəlik həyatda və ya danışmağı xoşladığınız mövzular haqqında özünüzlə danışaraq ingiliscə danışıq bacarıqlarınızı inkişaf etdirə bilərsiniz.
Təqdimat bacarıqlarının təkmilləşdirilməsi
İzdihamlı mühitlərdə, məktəb tədbirlərində, ictimai fəaliyyətlərdə və s. yerlərdə danışmaq üçün irəli getməlisən. Bu, ingilis dilində danışmaq üçün sizə inam verəcək, digər utancaq insanları ruhlandıracaq və ictimai yerlərdə ingilis dilində danışaraq ingiliscə danışıq bacarıqlarınız daha da təkmilləşəcək.
Əlaqə əldə edin
İngilis dilində danışarkən bu bacarığı təkmilləşdirməyə başlaya bilərsiniz. Məsələn, ingilis dilində danışdığınızı qeyd edin və ingiliscəsinə etibar etdiyiniz biri ilə məsləhətləşin. Bu, nitq bacarıqlarınıza böyük fayda verəcək.
Təqlid etmək
Təqlid təbiətimizin qanunlarından biridir. Məsələn, biz ana dilimizi bilə-bilə doğulmuruq. Uşaqlıqda ətrafımızdakı insanları dinləyərək o dildə danışmağa başlayırıq. Buna görə də, məsələn, bəyəndiyiniz bir məşhurun və ya başqa birinin ingiliscə danışıq tərzini təqlid edərək ingilis dilində danışıq bacarıqlarınızı inkişaf etdirə bilərsiniz.
Tərcümə etdi:Sayad Qoşnalıyeva
Mənbə:flalingo
