110 yaşlı Xeyransa nənə doğma yurdu Kəlbəcərin azadlığının sevincini yaşayır

Abdullayevlər ailəsi də Kəlbəcər sakinlərindəndir. O zamanlar 8 nəfərdən ibarət ailə 2 mərtəbəli geniş evdə yaşayırdırlar.

110 yaşlı Xeyransa nənə və oğlu 77 yaşlı Əli Abdullayev deyir ki, həmin vaxtlar, ermənilərlə dostluq əlaqələri var idi, tez-tez azərbaycanlı sakinlərin evlərinə qonaq gəlib-gedirdilər. 

110 yaşlı Xeyransa nənəni dinlədikcə, düşündük ki, bəlkə də nənəni bu qədər uzun müddət güclü qalmağa vadar edən vətən həsrəti, Kəlbəcərə qovuşmaq arzusu olub. 

Beləliklə, Kəlbəcər azadlığına qovuşur. 27 ildən çox müddətdir, gözü yolda qalan sakinlər ilk fürsətdə doğma yurdlarına yol alır. Ötən ilin isti iyul ayında həmsöhbətimiz olan kəlbəcərlilərin uzun illər sonra yenidən öz torpaqlarını, qapısına kilid vurub çıxdıqları evlərini görmək imkanı yaranır.