14 ölkə İsrailə reaksiya verib - DETALLAR

Türkiyə, Əlcəzair, İndoneziya, İordaniya, Fələstin, Qətər, Misir, Livan, Malayziya, Mavritaniya, Pakistan, Somali, BƏƏ və Səudiyyə Ərəbistanının xarici işlər nazirləri iki ayrı birgə bəyanatla İsrailin Suriya və Fələstin ərazilərindəki hücumlarını pisləyiblər.

Türkiyə və digər 11 ölkənin xarici işlər nazirləri İsrailin Suriyanın şimal-qərbindəki Əbu əl-Duhur Hərbi Hava Bazasına hava hücumları ilə bağlı birgə bəyanat yayıblar.

Bəyanatda aşağıdakı qeydlər yer alıb:

“Türkiyə, Əlcəzair, İndoneziya, İordaniya, Fələstin, Qətər, Livan, Malayziya, Mavritaniya, Pakistan, Somali və Səudiyyə Ərəbistanının xarici işlər nazirləri İsrailin Suriyanın şimal-qərbindəki Əbu əl-Duhur Hərbi Hava Bazasına hava hücumlarını qətiyyətlə pisləyirlər. Bu hücumlar son dərəcə təhlükəli bir eskalasiya və Suriya Ərəb Respublikasının suverenliyinin, ərazi bütövlüyünün və siyasi birliyinin açıq şəkildə pozulmasıdır. Xarici işlər nazirləri Suriya ərazisinin və infrastrukturunun davamlı olaraq hədəfə alınması və dağıdılması ilə bağlı dərin narahatlıqlarını ifadə edirlər".

Bəyanatda vurğulanıb ki, bu cür hərəkətlər Suriyanın təhlükəsizliyini bərpa etmək, milli qurumlarını yenidən qurmaq və uzun müddətdir davam edən münaqişənin humanitar nəticələrini aradan qaldırmaq üçün davam edən səylərə xələl gətirə bilər; İsrailin Suriyanın suverenliyini və ərazi bütövlüyünü davamlı şəkildə pozmasının gərginliyin daha da artması, regional sülhün və sabitliyin pozulması, beynəlxalq hüquqa və Birləşmiş Millətlər Təşkilatının Nizamnaməsinin prinsiplərinə hörmətin sarsıdılması riskini daşıyır.

Selcan Xudiyeva