3x3 qadın millimiz tariximizdə ilk dəfə Avropa Kubokunun finalında!

"Bu uğur, Avropa Kubokunda finala çıxmağımız bizim üçün tarixdə bir ilk idi. Hazırda qitənin ən güclü 2 komandasından biriyik. Bu ölkə üçün, Azərbaycanda Qadın Basketbolunun irəliləməsi üçün atılmış böyük addım və uğurdur".

Bu sözləri Azərbaycan Basketbol Federasiyasından mətbuat xidmətinin rəhbəri Sənan Əliyev "İnformator.az"a açıqlamasında deyib. O qeyd edib ki, final yolu heç də asan olmayıb:

"Finalda isə komandamız Niderlandla üz-üzə gələcək, güclü kollektivdir. Ölkə basketbolun inkişaf etdiyi ölkələrdən sayılır. Fiziki cəhətdən atletik bir komandadır. Avropa Kubokunun oyununu müsbət qiymətləndirirəm. Basketbolun inkişafına bu uğur təbii ki, də təsir göstərəcək. Günü-gündən Azərbaycan basketbolu göz önündə olacaq. 3×3 basketbol məhz bu inkişafa işıq tutur".

Zəhra Möhübbətova