Abbas Arakçıya göndərilən rəsmi dəvət ləğv edilib

İranın xarici işlər naziri Abbas Arakçı Münhen təhlükəsizlik konfransında iştirak edə bilməyəcək.

"İnformator.az" "Axar.az"a istinadən xəbər verir ki, qərar təşkilatçılar tərəfindən İranda etirazların sərt şəkildə yatırılması fonunda qəbul edilib.

Təşkilatçıların bəyanatında qeyd olunub ki, bir neçə həftə əvvəl İran hökumətinin nümayəndələrinə, o cümlədən Abbas Arakçıya dəvət göndərilib, lakin cari hadisələr fonunda Münhen təhlükəsizlik konfransı bu dəvətləri geri çəkir.

Münhen təhlükəsizlik konfransı 13-15 fevral tarixində keçiriləcək.