ABŞ-ın Texas ştatında fırtına: 3 nəfər ölüb, onlarla insan yaralanıb

Texas qubernatoru Qreq Abbott fırtınalar səbəbindən ştatda fövqəladə vəziyyət elan etdiyini açıqlayıb.

İnformator.az TRT Haber-ə istinadən xəbər verir ki, Milli Meteoroloji Xidmət (NWS) fırtınanın dünən yerli vaxtla saat 17:00 radələrində olduğunu bildirib. Rəsmi qurumların verdiyi açıqlamaya görə, fırtınada 3 nəfərin həlak olduğu, 2 nəfərin hələ də itkin düşdüyü, Oçiltri rayonundakı xəstəxanada 50-100 nəfərin müalicə olunduğu, 10 nəfərin isə vəziyyətinin hələ də ağır olduğu bildirilib.

Qeyd edək ki, ABŞ-ın cənub ştatları, Missisipi, Alabama, Florida və Corciyada 106 mindən çox insan şiddətli fırtınalar səbəbindən işıqsız qalıb.