ABŞ-İran arasındakı gərginlik

BMT Təhlükəsizlik Şurası İrandakı etirazlar və ABŞ-İran gərginliyi səbəbindən təcili iclas keçirib. ABŞ etirazlarda xarici güclərin iştirak etmədiyini iddia edərək, İranla bağlı "bütün variantların masada olduğunu" bəyan edib. İran isə ABŞ və İsraili ittiham edib, dialoqa açıq olduğunu bəyan edib və BMT Nizamnaməsinə uyğun olaraq istənilən potensial hücumlara cavab verəcəyi ilə bağlı xəbərdarlıq edib.

Birləşmiş Millətlər Təşkilatının Təhlükəsizlik Şurası İranda dekabrın 28-dən bəri davam edən etiraz aksiyaları və Vaşinqtonla Tehran arasında gərginliyin artması ilə bağlı təcili iclas keçirib. Görüşdə ABŞ və İran nümayəndələri arasında bəyanat mübadiləsi diqqət çəkib. ABŞ-nin BMT-dəki daimi nümayəndəsi Maykl Vals İran etirazlarına xarici müdaxilə iddialarını rədd edib. İran hökumətinin etirazların hərbi müdaxiləyə yol açmaq üçün xarici güclər tərəfindən təhrik edildiyinə dair iddiasına toxunan Vals, “Dünyada hamı bilməlidir ki, rejim hər zamankindən daha zəifdir və İran xalqının küçələrdəki gücü qarşısında bu iddianı uydurur”.

ABŞ prezidenti Donald Trampın “hərəkət adamı” olduğunu vurğulayan Waltz, İranla bağlı bütün variantların masada olduğunu bildirib. Waltz, "Prezident Tramp Birləşmiş Millətlər Təşkilatında sonsuz çıxışlar edən lider deyil, o, fəaliyyət adamıdır. O, qırğını dayandırmaq üçün bütün variantların masada olduğunu açıq şəkildə ifadə etdi. Bunu ən yaxşı bilməli olanlar İran rejiminin liderləridir",-deyib. İranın BMT-dəki daimi nümayəndəsi Əmir Səid İrəvani ABŞ və İsrailə sərt mesajlar göndərib. İrəvani, "Birləşmiş Ştatlar rejimi və onun işbirlikçiləri, xüsusən də İsrail rejimi mənim ölkəmdə tökülən günahsız qanlara görə məsuliyyətdən qaça bilməz",-deyib. O, iddia edib ki, 2025-ci ilin iyununda İrana qarşı 12 günlük hücumda məqsədlərinə çata bilməyənlər indi eyni məqsədlərə siyasi qeyri-sabitlik, daxili iğtişaşlar və xaosla nail olmağa çalışırlar.

Aydan Əsgərxanlı

CNN Türk