ABŞ İrana doğru daha çox hərbi gəmi göndərir

ABŞ prezidenti Donald Tramp cümə günü Ağ Evdə verdiyi açıqlamada Vaşinqtonun İrana doğru əvvəlkindən daha çox hərbi gəmi göndərdiyini bildirib. O, eyni zamanda Tehranla razılaşma əldə olunacağına ümid etdiyini desə də, razılaşma baş tutmayacağı halda nəticələrin ağır ola biləcəyinə işarə edib.

Jurnalistlərə danışan Tramp deyib:

“Hazırda İrana doğru böyük bir donanma göndəririk – necə adlandırmaq istəyirsinizsə. Bu, Venesuelaya göndərdiyimizdən də daha böyükdür. İrana doğru daha çox sayda gəmi yola salırıq.”

ABŞ prezidenti əlavə edib ki, əsas məqsəd razılaşmaya nail olmaqdır:

“Ümid edirəm ki, razılaşma əldə edəcəyik. Əgər razılaşma olsa, bu yaxşıdır. Əgər olmasa, onda nə baş verəcəyini görəcəyik.”

ANEWZ

Güllər Gülhüseynova