ABŞ təzyiqi altındakı Venesuela hökumətindən birlik mesajı

ABŞ-nin Venesuela Prezidenti Nikolas Maduronu həbs etməsindən sonra Karakasdakı idarəçilik üzərindəki təzyiqlər davam edərkən, venesuelalı siyasətçilər birlik mesajı veriblər.

ABŞ 3 yanvar gecəsi Venesuelanın paytaxtı Karakas və digər bölgələrə hava zərbələri endirdi və “narkotik qaçaqçılığı edən terror təşkilatı rəhbəri olmaqda” ittiham etdiyi Maduro’nu ələ keçirib.

Aylardır Vaşinqtonun Karib dənizində, Venesuelanın sahilinə yaxın ərazilərdə hərbi yığınacaq qurması, neft gəmilərinə əl qoyması və qonşu ölkələrə qüvvələr göndərməsi, “ABŞ hava hücumu edə bilər” ehtimalı kimi şərh edilirdi, amma vəzifədə olan dövlət başçısının ələ keçirilməsi qeyri-adi bir hadisə kimi tarixə keçib.

Əməliyyatdan sonra ABŞ-li rəsmilər Venesuelada əsas gözləntinin “ABŞ maraqlarını əhatə edən təcili dəyişikliklər” olduğunu və illərdir dəstəklədikləri Venesuela müxalifətinin hələ ölkəni idarə etməyə hazır olmadığını bildirdi, bu da diqqətləri Venesuela hökumətinə yönəldib.

Dünya miqyasında şok effekti yaradan ABŞ əməliyyatından sonra Vaşinqtonun təhdidləri fonunda, Venesueladakı Bolivarkçı hökumətdən, Maduro və həyat yoldaşının iadesinə əlavə olaraq ABŞ ilə əməkdaşlıq çağırışı və birlik mesajları gəlib.

Venesuela Ali Məhkəməsinin (TSJ) qərarı və ordunun dəstəyi ilə Müvəqqəti Dövlət Başçısını üstlənən Maduronun müavini Delcy Rodriguez ilk açıqlamalarında, bağlılığını ifadə edərək Maduro’nun ölkənin dövlət başçısı olduğunu vurğuladı və onun iade edilməsini tələb etdi. Rodriguez, ABŞ-yə də əməkdaşlıq çağırışı edərək bölgənin “müharibəyə yox, sülhə və dialoqa” ehtiyacı olduğunu bildirib.

TRT XƏBƏR
Lalə Qurbanlı