Alimlər dünyanın ən böyük mərcanını kəşf etdilər - o qədər böyük ki, kosmosdan görünə bilər

Onun uzunluğu 100 futdan çoxdur, ən azı 300 yaşındadır və kosmosdan görünür. Alimlər çərşənbə günü dünyanın ən böyük mərcanının Sakit Okeanın cənub-qərbində kəşf edildiyini açıqlayıblar.

Meqa mərcan oktyabr ayında National Geographic Pristine Seas proqramının Solomon adalarında okean sağlamlığını öyrənmək üçün başlatdığı elmi ekspedisiya zamanı müşahidə edilib.

Pristine Seas-ə görə o, Amerika Samoasında əvvəlki rekord qırandan üç dəfə böyükdür və planetin ən böyük heyvanı olan mavi balinadan daha uzundur.

Çoxlu koloniyalardan ibarət olan rifdən fərqli olaraq, bu mərcan əsrlər boyu davamlı böyüyən tək bir nümunədir.

National Geographic tədqiqatçısı və Pristine Seas şirkətinin qurucusu Enrik Sala, "Yer planetində kəşf ediləcək heç bir şeyin qalmadığını düşünəndə, 1 milyarda yaxın kiçik polipdən ibarət nəhəng bir mərcan tapırıq",-deyib.

Mənbə: CNN

Qüdrət Məmmədova