Almaniya millisinin hücumçusu “Milan”la anlaşıb

İngiltərənin “Vest Hem” klubunun və Almaniya millisinin hücumçusu Niklas Fyullkruq “Milan”la (İtaliya) anlaşıb.

“İnformator.az” xəbər verir ki, “Sky in Germany”yə istinadən məlumatına görə, tərəflər razılığa gəliblər, danışıqlar son mərhələdədir.

Hücumçu İtaliya klubuna yarım illik icarə əsasında keçəcək. “Milan” oyunçunu sonradan birdəfəlik almaq hüququnu da özündə saxlayacaq.

A Seriyası təmsilçisi icarə müddətində N.Fyullkruqun tam maaşını ödəyəcək, lakin icarə haqqı verməyəcək.