"Antalyaspor Süper Liqa"da “ilk”in axtarışında

Trendyol Süper Liqasında ilk iki turu itkisiz başa vuran Hesap.com Antalyaspor, səfərdə qarşılaşacağı Trabzonsporu da məğlub etsə, tarixində ilk dəfə mövsümə “3-də 3” ilə başlamış olacaq.

Baş məşqçi Emre Belözoğlunun rəhbərliyi altında evdə Kasımpaşa üzərində 2-1 hesablı qələbə qazanan Aralıq dənizi təmsilçisi, 4 mövsümdən sonra liqaya qələbə ilə start verib. İkinci turda səfərdə Gençlerbirliği ilə qarşılaşan qırmızı-ağlılar bu görüşdən də 1-0 qalib ayrılaraq 9 mövsümdən sonra ən yaxşı ilk iki tur performansına imza atıb. Mövsümün üçüncü turunda, avqustun 24-də Trabzonsporun qonağı olacaq qırmızı-ağlılar Trabzon səfərindən də üç xal qazanacağı təqdirdə, 30 illik Süper Liqa tarixində ən yaxşı mövsüm startını gerçəkləşdirəcək. Antalyaspor əvvəllər qələbə ilə başladığı 2020-21 mövsümündə Gençlerbirliğini evdə 2-0 məğlub etmiş, ardıcıl qalib gəldiyi 2015-16 mövsümündə isə ilk turda səfərdə Başakşehir-i 3-2, ikinci turda isə evdə Gençlerbirliğini 3-1 hesabı ilə üstələmişdi.

Mənbə:TRT Haber 

Nigar Həsənzadə