“Araz-Naxçıvan” Lüksemburq klubu ilə heç-heçə edib

“Araz-Naxçıvan” futzal komandası Çempionlar Liqasında növbəti oyununa çıxıb.

"İnformator.az" xəbər verir ki, təmsilçimiz Lüksemburq çempionu “Differdanje 03”lə qarşılaşıb. Matç 2:2 hesabı ilə başa çatıb. “Qırmızı-ağlar”ın qollarını Perruzo və Luicci vurublar.

Qeyd edək ki, “Araz-Naxçıvan” turnirin ilk oyununda Rumıniyanın “Qalati Yunayted” komandasını 2:1 hesabı ilə məğlub edib. Qrupda sonuncu turun görüşləri noyabrın 1-də keçiriləcək. Azərbaycan çempionu Niderlandın “Tigers Roermond” klubu ilə üz-üzə gələcək.