AS Roma-da dəyişiklik: Claudio Ranieri klubdan ayrılıb

İtaliya Serie A təmsilçisi "AS Roma" klubunda mühüm dəyişiklik baş verib. Klub rəhbərliyi idarə heyətinin müşaviri vəzifəsində çalışan Claudio Ranierinin ayrıldığını rəsmi şəkildə açıqlayıb.

Klubdan verilən açıqlamada bildirilib ki, Ranieri artıq bu vəzifədə fəaliyyətini davam etdirməyəcək. "Roma" rəhbərliyi onun kluba verdiyi töhfələri yüksək qiymətləndirərək təşəkkür edib və gələcək planlarda klubun sabit struktur, güclü liderlik və aydın strategiya ilə yoluna davam edəcəyini vurğulayıb.

Açıqlamada həmçinin qeyd olunub ki, komanda bundan sonra baş məşqçi Gian Piero Gasperinin rəhbərliyi altında inkişaf etməyə və daha uğurlu nəticələr qazanmağa fokuslanacaq.

*NTVSpor*
Fatimə Hüseynli