Aylardır itkin düşən məşhur aktyorun cəsədi tapıldı

Yanvar ayında Cənubi Kaliforniya dağlarında yoxa çıxan məşhur aktyor Culyan Sandsdən üzücü xəbər gəlib. 

İnformator.az xarici KİV-ə istinadən bildirir ki, San Bernardino Dairəsinin Polis Departamenti şənbə günü səhər saat 10:00 radələrində Baldi dağının yaxınlığında cəsəd tapıldığını və şəxsiyyətinin müəyyənləşdirilməsi üçün məhkəmə-tibb ekspertizasına təhvil verildiyi ilə bağlı məlumat verib.

Xatırladaq ki, 65 yaşlı aktyor Culian Sands yanvar ayında Los-Ancelesin mərkəzindən 65 kilometr aralıda Baldi dağında itkin düşmüşdü.

O, 24, Smallville və Banshee teleserialları, eləcə də "Mənzərəli otaq", "Las-Veqasdan ayrılarkən" və "Varlok" filmləri ilə məşhurlaşıb.