Azərbaycanın BMT-nin Cenevrədəki ofisi yanında daimi nümayəndəsi Rövşən Sadıqbəyli BMT-nin insan haqları üzrə ali komissarı Folker Türklə insan hüquqları sahəsində əməkdaşlığı və regiondakı vəziyyəti müzakirə edib.

"İnformator.az" xəbər verir ki, diplomat görüşün yekunları barədə "X" sosial şəbəkəsindəki hesabında paylaşım edib.

"BMT-nin insan haqları üzrə ali komissarı Folker Türklə görüşməkdən məmnunam. Azərbaycan və BMT arasında əməkdaşlığın cari gündəliyi, o cümlədən insan hüquqları sahəsində, eləcə də regiondakı vəziyyət barədə səmərəli fikir mübadiləsi baş tutdu", - R.Sadıqbəyli bildirib.