Azərbaycan qılıncoynadanı bərpa prosesində

Qılıncoynatmanın sablya növü üzrə Azərbaycan millisinin aparıcı üzvlərindən olan Anna Baştanın ağır zədədən sonra reabilitasiya prosesi planlı şəkildə davam edir. Milli komandanın baş məşqçisi Çingiz Mustafayevin verdiyi məlumata görə, idmançı artıq məşqlərə başlayıb və bərpa prosesi həm fiziki, həm də psixoloji aspektlər nəzərə alınmaqla aparılır. Federasiya və məşqçilər heyəti Anna Baştanın sağlamlığını riskə atmadan, onun 2026-cı ilin aprelindən etibarən yarışlara qayıdacağını proqnozlaşdırır.

"Anna Başta hazırda ağır zədədən sonra reabilitasiya prosesini keçir və bu təbii ki, mərhələli şəkildə tələskənliyə yol vermədən davam edir".

Bu sözləri Azərbaycan Taekvondo Federasiyasının mətbuat katibi Kənan Hakimov "İnformator.az"a açıqlamasında deyib. O qeyd edib ki, bundan əlavə psixoloji bərpa prosesi də davam edir, məşqlərə başlayıb:

"Beynəlxalq yarışlarda iştirakı ən yaxşı halda apreldən etibarən başlaya bilər. Bu da yekun qərar deyil. Vəziyyətə uyğun dəqiq qərar veriləcək. İnşallah ki, sağ-salamat geri dönəcək".

Zəhra Möhübbətova