BDU kollektivi Zəfər parkını ziyarət edib

27 Sentyabr – Anım Günü ilə əlaqədar Bakı Dövlət Universitetinin (BDU) kollektivi Zəfər parkını ziyarət edib.

İnformator.az xəbər verir ki, ziyarətin əsas məqsədi Azərbaycanın ərazi bütövlüyü və suverenliyi uğrunda canından keçmiş şəhidlərin əziz xatirəsini yad etmək olub.

BDU kollektivi Zəfər parkında yerləşən Zəfər abidəsinin önünə gül dəstələri qoyub. Universitetin əməkdaşları və kollektiv üzvləri şəhidlərin xatirəsini ehtiramla anıb, onların Vətən qarşısında göstərdiyi fədakarlığı və qəhrəmanlığı yad ediblər.

Qeyd olunub ki, 27 Sentyabr – Anım Günü Azərbaycan xalqının yaddaşında Vətən uğrunda canından keçən qəhrəmanların xatirəsinə ehtiram günü kimi xüsusi əhəmiyyət daşıyır. Bu gün şəhidlərin əziz xatirəsi müxtəlif tədbirlər və ziyarətlərlə yad olunur.

Zəfər parkına təşkil olunan ziyarət zamanı şəhidlərin xatirəsinin daim yaşadılmasının, onların qəhrəmanlıq yolunun gənc nəsillərə çatdırılmasının vacibliyi diqqətə çatdırılıb.

BDU kollektivi şəhidlərin əziz xatirəsini ehtiram və dərin minnətdarlıq hissi ilə yad edib.

Aişə Mustafayeva