"Beşiktaş" son dəqiqə qolu ilə qələbə qazanıb

Türkiyə Superliqasının XVIII turunda "Beşiktaş" qələbə qazanıb.

"İnformator.az"xəbər verir ki, "Tüpraş" stadionunda "Kayserispor"la qarşılaşan "ağ-qaralar" 1:0 hesabı ilə qalib gəliblər.

Qolu 90+5-ci dəqiqədə El-Bilal Ture qonaqların qapısına vurub.

Bu qələbə sayəsində Sərgən Yalçının rəhbərlik etdiyi kollektiv Superliqadakı xallarının sayını 32-yə çatdırıb və komanda hazırda beşinci sıradadır.

Qeyd edək ki, turnir cədvəlinə 43 xalı olan "Qalatasaray" rəhbərlik edir. 42 xala malik "Fənərbağça" ikinci, 38 xalı olan "Trabzonspor" üçüncüdür.