Bosniya və Herseqovina Rəyasət Heyətinin üzvü Azərbaycana səfərə gəlib
Bosniya və Herseqovina Rəyasət Heyətinin üzvü Jelka Tsviyanoviç martın 11-də Azərbaycana səfərə gəlib.
“İnformator.az”xəbər verir ki, Heydər Əliyev Beynəlxalq Aeroportunda qonağı Azərbaycanın xarici işlər nazirinin müavini Fariz Rzayev və digər rəsmi şəxslər qarşılayıblar.
Qeyd edək ki, o, Nizami Gəncəvi Beynəlxalq Mərkəzi tərəfindən təşkil olunan XIII Qlobal Bakı Forumunda iştirak edəcək. Martın 12-14-nə planlaşdırılan forum çərçivəsində qlobal çağırışlar, çoxtərəfli əməkdaşlıq və beynəlxalq təhlükəsizlik məsələlərinə dair geniş müzakirələrin aparılması nəzərdə tutulur.
