Bristol Muzeyində yüksək dəyərli oğurluqla bağlı ilk saxlanılma

Bristol Muzeyində baş verən yüksək dəyərli oğurluq hadisəsi ilə bağlı ilk saxlanılma həyata keçirilib. Muzeyin arxivindən 600-dən çox artefaktın oğurlanmasından sonra 41 yaşlı bir kişi oğurlanmış əşyaların dövriyyəsində şübhəli bilinərək saxlanılıb.

Hadisə 25 sentyabr tarixində baş verib və bundan sonra geniş axtarış əməliyyatı başlanıb. Oğurlanan əşyalar arasında hərbi xatirə nümunələri, zinət əşyaları, təbiət tarixi eksponatları, fil sümüyü, bürünc və gümüş fiqurlar yer alır.

Polis daha dörd şübhəlinin axtarışını davam etdirir və onların təhlükəsizlik kameralarına düşən görüntülərini yayımlayıb. Şübhəlilərin hamısının ağdərili olduğu bildirilir. Saxlanılan şəxs istintaq davam etdiyi üçün sərbəst buraxılıb. Oğurluq gecə saat 01:00–02:00 aralığında baş verib. Əşyalar 2013-cü ildə bağlanan Britaniya İmperiyası və Birlik Muzeyinin kolleksiyasına aid olub və yüksək mədəni dəyərə malik hesab edilir. Hadisə ilə bağlı məlumatı olan şəxslər polisə müraciət etməyə çağırılır.

BBC
Reyhan Quliyeva