Britaniya casusluq ittihamları ilə bağlı Çin səfirini Xarici İşlər Nazirliyinə çağırıb

Britaniya Təhlükəsizlik naziri Den Carvis mayın 8-də bildirib ki, iki nəfərin Londonda keçirilən məhkəmədə Honkonq və nəticə etibarilə Çin adına casusluqda təqsirli bilinməsindən sonra Britaniya Çin səfirini Xarici İşlər Nazirliyinə çağıracaq.

Bu iş Honkonq və Böyük Britaniyaya müdaxilə iddiaları ilə bağlı uzunmüddətli mübahisələr fonunda onsuz da gərgin olan London-Pekin münasibətlərini daha da gərginləşdirib.

Carvis bildirib ki, həmin şəxslərin fəaliyyəti “ölkənin suverenliyinin pozulması” hesab olunur və bunun Britaniya ərazisində baş verməsinə “heç vaxt dözülməyəcək”.

O təsdiqləyib ki, Xarici İşlər Nazirliyi hadisə ilə bağlı etirazını bildirmək üçün Çinin Londondakı səfirini rəsmi şəkildə çağıracaq.

“Ölkəmizdə insanların təhlükəsizliyini risk altına atan addımlara görə Çini məsuliyyətə cəlb etməyə və ona birbaşa etiraz bildirməyə davam edəcəyik,” - deyə Carvis vurğulayıb.

ANEWZ
Lalə Qurbanlı