Çay içənlərə diqqət, balansı pozan səhv!

Dəmir bədənimizin ehtiyac duyduğu əsas minerallardan biridir. İmmunitet sistemi enerji istehsalı və oksigenin hüceyrələrə daşınması kimi bir çox həyati funksiyalarda mühüm rol oynayır. Dietoloqlar xüsusilə uşaqlar, hamilə qadınlar və qan azlığı riski olan insanlar üçün kifayət qədər dəmir qəbul etməməyin kritik olduğunu vurğulayırlar. Ancaq dəmirlə zəngin qidalar qəbul edərkən çay içməyin orqanizmin bu faydalı mineralı daha az mənimsəməsinə səbəb ola biləcəyi məlum bir həqiqətdir. Bundan əlavə, çox çay içmək də dəmir çatışmazlığı problemlərinə səbəb ola bilər.

Bəs bu niyə belədir? 

Çayın tərkibində yüksək miqdarda tanin adlı polifenol var. Normalda orqanizm üçün faydalı olan bu polifenollar dəmirin udulmasının qarşısını ala bilir. Çünki taninlər dəmirlə birləşərək orqanizmin bu mineraldan istifadəsini çətinləşdirir. Bu, xüsusilə dəmirlə zəngin bitki mənşəli qidalardan istifadə edənlərdə müşahidə olunur.

Dietoloqlar deyirlər ki, çay qəbulunu yeməkdən bir neçə saat sonraya təxirə salmaqla dəmir qəbulunu maksimuma çatdırmaq olar.

Çayın tərkibində təkcə taninlər deyil, həm də çoxlu kalsium var. Bu səbəbdən kalsium dəmirlə rəqabət apara bilər və dəmirin bədənə sorulmasını çətinləşdirir. Xüsusilə kalsiumla zəngin olan südlü çaylar dəmirin udulmasını daha da azalda bilər.

Mənbə: Pembe Nar 

Nigar Səmədli