Cənubi Koreya Prezidenti Li Cae Myun Çinlə münasibətlərin yenilənməsinə çağırıb

Cənubi Koreyanın Prezidenti Li Cae Myun bazar ertəsi Pekində Çin lideri Si Cinpinlə görüşü zamanı iki ölkə arasında münasibətlərdə “yeni mərhələyə” çağırış edib.

Li-nin Çinə dörd günlük səfəri çərçivəsində əsas gündəm mövzuları regional təhlükəsizlik və Pekinin Koreya pop mədəniyyətinə (K-pop) tətbiq etdiyi qeyri-rəsmi qadağanın aradan qaldırılmasıdır. O, çərşənbə axşamı Çin Baş naziri Li Çianq və parlamentin sədri Cao Leci ilə də görüşməlidir.

Bu səfər 2019-cu ildən bəri Cənubi Koreya liderinin Çinə ilk rəsmi səfəridir. Li-nin impiçmentlə vəzifədən uzaqlaşdırılan sələfi, keçmiş Prezident Yun Sok Yol dövründə ikitərəfli münasibətlər pisləşib. Yun Çini sərt tənqid edib.

Bu arada, Si Cinpinin Çinlə Yaponiya arasında yaranan diplomatik gərginlik fonunda Cənubi Koreya ilə əlaqələri möhkəmləndirməyə maraq göstərdiyi görünür.

BBC NEWS
Banu Məmmədova