DUMANLI HAVADA SÜRÜCÜLƏR NƏYƏ DİQQƏT ETMƏLİDİR?

Havaların kəskin dəyişməsi sürücülər üçün problem yaradıb. Dumanlı, yağışlı havalarda, xüsusilə də gecə saatlarında avtomobillərin hərəkətində problem yaranıb. Qəza sayları son zamanda daha da artıb. Bəs belə havalarda sürücülər nəyə diqqət etməlidir?

Nəqliyyat üzrə ekspert Eldəniz Cəfərov sürücülərə məsləhət görür ki, öncə nasaz avtomobillərlə yola çıxmasınlar. Ekspert əlavə etdi ki, payız-qış aylarının başlaması ilə əlaqədar əyləc sisteminin yoxlanmasına ehtiyac var: "Bu sistem saz vəziyyətə gətirilməlidir. Həmçinin, avtomobilin qabarit faraları saz vəziyyətdə olmalı, şinləri yay şinləri deyil, çoxmövsümlü şinlərlə əvəz edilməlidir".

Çinarə Muradova