Emrelinin komandası uduzub
Azərbaycan millisinin futbolçusu Mahir Emreli yeni klubu Almaniya "Kayzerslautern"ində ilk rəsmi oyununa çıxıb.
"İnformator.az" "Axar.az"a istinadən xəbər verir ki, 28 yaşlı hücumçu II Bundesliqanın I turunda səfərdə "Hannover"lə keçirilən matça əsas heyətdə başlayıb.
O, qarşılaşmanın 65-ci dəqiqəsində Riçmond Taçi ilə əvəzlənib. "Haynts-fon-Hayden-Arena"da təşkil olunan görüşdə meydan sahibi komanda 1:0 hesablı qələbə qazanıb. Qeyd edək ki, Mahir Emreli ötən mövsümü Almaniyanın digər təmsilçisi "Nürnberq"də keçirib.
