Epşteyn qurbanları təhlükəsizlik üçün silah gəzdirməyə başlayıb

“Reuters”in danışdığı Epşteyn qurbanlarından təxminən iki on nəfər bildirib ki, baş verənləri ictimaiyyətə açıqladıqdan sonra təhdid və davamlı təzyiqlərlə üzləşiblər. Bəzi hallarda isə ABŞ Ədliyyə Nazirliyinin sənədlərdə onların kimliyini gizlətmədən açıqlaması vəziyyəti daha da ağırlaşdırıb. Hazırda onlardan bəziləri silah gəzdirir və qorxu içində yaşayır. Onlayn hücumlar və hədə-qorxu onların həyatını tamamilə dəyişib.

Marina Laserda Jeffrey Epşteynin ona 14 yaşında olarkən cinsi zorakılıq etdiyini ictimaiyyətə açıqlayandan sonra təhdidlər demək olar ki, dərhal başlayıb.

Sentyabr ayında o və digər zərərçəkənlər Epşteyn sənədlərinin açıqlanmasını tələb edən mətbuat konfransında iştirak ediblər. Həmin gün Laserda haqqında yayımlanan xəbər videosunun altında bir nəfər belə yazıb: “Onu öldürəcəklər. Susmalı idi. Rahat yat

Aylar sonra ABŞ Ədliyyə Nazirliyinin redaktə edilməmiş sənədlərində Laserda adı azı 46 dəfə qeyd olunandan sonra təzyiqlər daha da güclənib. Sosial şəbəkələrdə onu yalançı və “buna layiq olan qadın” adlandırıblar. Hətta 12 yaşlı qızı məktəbdə sinif yoldaşlarının təhqirlərinə məruz qalıb və ondan “Epsteinin övladıdırmı?” deyə soruşublar.
Hazırda Laserda qızı ilə birlikdə mühafizə olunan yaşayış kompleksində yaşayır və gecələr yatağının yanında tapança saxlayır.

Reuters 
Nuray Əliyeva