Ermənilərin növbəti təxribati: Kəlbəcər atəşə tutuldu

Ermənilər təxribat törətməyə davam edirlər.

İnformator.az xəbər verir ki, Ermənistan silahlı qüvvələrinin bölmələri Basarkeçər rayonunun Əzizli yaşayış məntəqəsi istiqamətində yerləşən mövqelərindən Azərbaycan Ordusunun Kəlbəcərin Yellicə yaşayış məntəqəsi istiqamətində yerləşən mövqelərini atıcı silahlardan atəşə tutub. Bölmələrimiz tərəfindən qeyd olunan istiqamətdə cavab tədbirləri görülüb. Eyni zamanda erməni dəstələrinin Xocalı istiqamətində fortifikasiya qurğuları hazırlamaq cəhdlərinin qarşısı alınıb.

Bu dəfə də bölmələrimizin təxirəsalınmaz tədbirləri nəticəsində aparılan mühəndis işləri dərhal dayandırılıb.