Estevao Lamine Yamal üçün rəqibə çevrilməyə hazırdır

Müqayisələr Estevao Willian üçün əhəmiyyət daşımır. Braziliyalı vinger karyerasının əvvəlində ona verilən "Messinho" - “Kiçik Messi” ləqəbindən belə məmnun qalmayıb. O, bu ləqəbi “pozucu” adlandırmış və başqa biri olmağa çalışmadığını açıq şəkildə bildirib. 

“Müqayisələri sevmirəm,” - deyə 18 yaşlı futbolçu ötən il ESPN Brasil-ə açıqlamasında deyib. “Bunu idarə edə bilməyənlər üçün bu, olduqca dağıdıcı ola bilər. Mənim Estevao olaraq qalmağım kifayət qədər yaxşıdır.” Çelsi də bu fikirlə razıdır. Axı, rəqib müdafiəçilər istisna olmaqla, Estevao-nun sadəcə özü olması ilə kim narazı ola bilər? Təsadüfi deyil ki, o, gələcəkdə Ballon d'Or mükafatını qazanmağa namizəd kimi göstərilir. Gənc futbolçunun istedadı qeyri-adi səviyyədədir, İngiltərədəki debütü gözləniləndən daha uğurlu olub və gənc oyunçulara çox tərif verildikdə onların motivasiyasını itirmə riski olsa da, Estevao-nu digərlərindən fərqləndirən əsas xüsusiyyətlərdən biri də onun xarakteridir.

The Guardian 

Nazim Xeyrxəbərli