FİFA məhkəmə qərarından sonra Benin Futbol Assosiasiyasının üzvlüyünü təxirə salıb

Beynəlxalq Futbol Federasiyası Assosiasiyası (FİFA) yerli məhkəmənin qərarından sonra Benin Futbol Assosiasiyasının üzvlüyünü təxirə salıb.

İnformator.az xəbər verir ki, bu barədə FİFA-nın yaydığı bəyanatda məlumat verilib.

FİFA Konqresi Benin Futbol Assosiasiyası, İndoneziya Futbol Assosiasiyası və küveyt Futbol Assosiasiyasının müvəqqəti diskvalifikasiyası ilə bağlı cümə günü səsvermə keçirməyi planlaşdırır.

“FİFA bəyannamələrinin 38-ci bəndinə əsasən, seçki keçirilməsinə mane olan yerli məhkəmənin qərarı ilə Benin Futbol Assosiasiyası diskvalifikasiya olunub”,- FİFA-nın Mexikodakı Şura iclasından sonra açıqlanan bəyanatda deyilir.

FİFA-nın növbəti Şura iclasının oktyabrın 13-14-də İsveçrənin Sürix şəhərində keçirilməsi planlaşdırılır.