"Fənərbağça"nın yeni baş məşqçisi bəlli olub

Türkiyənin “Fənərbağça” klubu yeni baş məşqçisinin adını açıqlayıb.

"İnformator.az" İstanbul təmsilçisinin rəsmi saytına istinadla xəbər verir ki, Domeniko Tedesko ilə 2 illik müqavilə imzalanıb.

İtaliyalı mütəxəssisin köməkçilərindən biri “Fənərbağça”nın sabiq futbolçusu və kapitanı Gökhan Gönül olacaq.

Qeyd edək ki, 39 yaşlı məşqçinin son iş yeri Belçika millisi olub. O, daha əvvəl Almaniyanın “Şalke”, “Leypsiq”, Rusiyanın “Spartak” (Moskva) klublarına da başçılıq edib.