Ford ABŞ-dən olan işçilər üçün ixtisarlara hazırlaşır

Ford Motorun ABŞ-da maaşlı işçiləri üçün yeni ixtisar mərhələsi hazırladığı bildirilir.

İnformator.az CNN-ə istinadən xəbər verir ki, yeni ixtisarların Detroit avtomobil istehsalçısının qaz, elektrik avtomobilləri və proqram təminatı bölmələrində çalışanlara təsir edəcəyi gözlənilir, lakin ixtisarların dəqiq sayı hələlik bəlli deyil.

Ford Motor qazla işləyən avtomobil blokunun struktur xərclərini 3 milyard dollara qədər azaltmağı planlaşdırdığını açıqlayıb. Avqust ayında Ford əsasən Şimali Amerika və Hindistanda olmaqla ümumilikdə 3000 maaşlı və müqaviləli işçini işdən çıxaracağını bildirib.

Şirkət açıqlamasında bildirib ki, qiymət artımları və yeni avtomobillərə güclü tələbat avtomobil istehsalçılarına bəzi inflyasiya dalğalarına tab gətirməyə kömək etsə də, daha yüksək xammal xərcləri problem olaraq qalmaqdadır.