"Əfqanıstanla açıq müharibə vəziyyətindəyik" - Pakistan

Pakistanın müdafiə naziri Khawaja Muhammad Asif bildirib ki, Pakistan və Əfqanıstan arasında vəziyyət artıq “açıq müharibə” mərhələsinə çatıb. Bu açıqlama Pakistanın Əfqanıstanın müxtəlif şəhərlərinə, o cümlədən Kabul və Kandahar istiqamətində hava zərbələri endirməsindən sonra verilib.

Hücumlar Əfqanıstanda hakimiyyətdə olan Taliban qüvvələrinin Pakistan sərhədindəki hərbi mövqelərə hücum etdiyini açıqlamasından sonra baş verib. Tərəflər bir-birini ağır itkilər verməkdə ittiham etsə də, bu məlumatlar hələ müstəqil şəkildə təsdiqlənməyib.

Münaqişə son aylarda artan sərhəd toqquşmalarının fonunda baş verir və tərəflər oktyabrda razılaşdırılmış atəşkəsə baxmayaraq bir-birini razılaşmanı pozmaqda günahlandırır.
 

BBC

Reyhan Quliyeva