Gürcüstanın sabiq müdafiə naziri həbs olunub
Gürcüstanın sabiq müdafiə naziri Baço Axalaya barəsində həbs qətimkan tədbiri seçilib.
"İnformator.az" "Axar.az"a istinadən xəbər verir ki, qərar Tiflis Şəhər Məhkəməsinin qapalı keçirilən iclasında qəbul olunub.
Bu qərarla Gürcüstan Baş Prokurorluğunun vəsatəti təmin edilib.
Axalaya bu ilin oktyabrın 4-də bələdiyyə seçkiləri günündə Tbilisidə Gürcüstan prezidentinin sarayına basqın işi üzrə qrup halında zorakılığın təşkili və ona rəhbərlik etməkdə ittiham olunur.
Törədilmiş cinayət əməllərinə görə 9 ilədək müddətə azadlıqdan məhrumetmə cəzası tətbiq edilir.
