Google və Facebook xəbərlər üçün Kanadada pul ödəyəcək

Kanada Senatı Google və Meta-nın media orqanlarına platformalarında paylaşdıqları xəbərlərə görə pul ödəməyi öhdəsinə götürən qanunu qəbul edib.

İnformator.az Ensonhaber-ə istinadən xəbər verir ki, bu qanunla Google və Meta artıq ölkədə paylaşdıqları xəbərlər üçün pul ödəməli olacaqlar. Son dövrlərdə internet jurnalistikasının inkişafı dünyanın ən böyük şirkətlərindən biri olan Google-un xəbərlərə daha çox yer ayırmasına səbəb olub.

Bundan əlavə, platformaya əlavə edilən xəbər funksiyası ilə Facebook Kanada mətbuatından müxtəlif xəbərləri istifadəçilərinə çatdırıb. Avstraliya hökumətinin 2020-ci ildə qəbul etdiyi yeni qərara əsasən, Google və Facebook Avstraliya media orqanları ilə müqavilə bağlayacaq və dərc etdikləri xəbərə görə media qurumlarına pul ödəməli olacaqlar.

Sözügedən qanunun qüvvəyə minməsi ilə Meta da maddələrə əməl edəcəklərini bildirib. Qanun layihəsi kralın razılığından sonra 6 ay ərzində qüvvəyə minəcək. Qanun pozuntusuna görə şirkətlərin illik dövriyyəsinin 10 faizi, yəni 7,2 milyon dollar məbləğində cərimə tətbiq olunacağı da bildirilib.