“Heç kim Dünya Kubokunun keçirildiyini bilmir” – NBA Finalı ABŞ-də Dünya Kubokuna olan laqeydliyi göstərir

 

 

Nyu-York şəhərində küçələrdə böyük sevinc yaşanırdı. Bəzi azarkeşlər Manhetten küçələrində avtomobillərinin üzərinə çıxaraq bayram edirdilər. Minlərlə kilometr uzaqda, Santa Monikada isə çimərlik boyunca yerləşən barlardan gurultulu alqış səsləri eşidilirdi.

Lakin bu coşqu Dünya Kuboku oyunu ilə bağlı deyildi. Bu, çərşənbə günü möhtəşəm geri dönüş edən və NBA Finalı tarixinin ən böyük kambeklərindən birinə imza ataraq San Antonio Spurs-u məğlub edən Nyu-York Niks komandası üçün idi.

Bu hadisə ABŞ millisinin Paraqvaya qarşı ilk Dünya Kuboku oyununa hazırlaşdığı bir vaxtda (şənbə günü, BST ilə saat 02:00-da) qlobal futbolun ən nüfuzlu turnirinin ABŞ-də hansı çətinliklərlə üzləşdiyini bir daha göstərdi.

Futbol (ABŞ-də “soccer” adlandırılır) ölkədə basketbol və Amerika futbolu kimi idman növləri qədər populyar deyil.

Bu yaxınlarda keçirilmiş sorğunun nəticələrinə görə, iştirak edən amerikalıların təxminən yarısı Dünya Kuboku ilə maraqlanmadıqlarını və turnirə xüsusi diqqət göstərmədiklərini bildiriblər.

BBC NEWS

Cavahir Əsgərbəyli