Heydər Əliyevin 100 illik yubileyinə həsr olunmuş respublika elmi-praktik konfransı keçiriləcək

Jurnalistika faküləsinin təşkilatçılığı ilə Bakı Dövlət Universitetində 4 iyul tarixində ümummilli lider Heydər Əliyevin 100 illik yubileyinə həsr olunmuş “Müasir Azərbaycan mediası: peşəkarlıq standartları və yeni trendlər” mövzusunda respublika elmi-praktik konfransı keçiriləcək.

Konfrans çərçivəsində iştirakçılar ilk olaraq saat 10:00-da Fəxri Xiyabanda ümummilli lideri ziyarət edəcəklər. Daha sonra 12:00-da Plenar iclas başlayacaq. Plenar iclasdan sonra qısa fasilə və ardınca panellər təqdim olunacaq.

Heydər Əliyev və Azərbaycan mediası, Müasir dövrdə informasiya müharibəsi və media texnologiyaları, Media savadlılığı cəmiyyətdə informasiya mübadiləsinin zəruri amili adlı panellərlə çıxışçıların məruzələri təqdim olunacaq.